藝人偽人 |
|
所謂同行如敵國，藝人同藝人之間其實好難做到真朋友，尤其是兩個走相近路線之藝人，如果有娛樂商請人登台，但只有一個額，兩個只能要一個，即使錢係其次，人地揀佢唔揀我，條氣梗唔順。 早前家燕條氣就真係好唔順，原來有人唱佢搭橋出外登台收佣。查實家燕叫好叫座，份人又有果句講果句，好多娛樂商鍾意叫佢搵人一起登台。唔少藝員同事知道佢有路數，個個姐前姐後博有得去搵真銀。佢好關照人，一於有求必應，但有人眼紅佢，以為佢直接同娛樂商接洽，當中必有著數，於是唱佢。 查實邊個把口唔好，佢好清楚，只係知道呢D人周圍都係，避唔到咁多。其實如果覺得被人搵笨就咪去登台囉，點解一邊同人哈哈笑，一邊去唱衰人？真係可憐。 講開又講，呢個圈同其他圈子一樣，人與人之間係互相利用，有時無道義可言，好似早排汪阿姐將契孫滿月相搬上網誌，拉姑不滿，阿姐仲理直氣壯話係用佢部相機影，覺得無問題。狗仔隊夠係用佢地部相機影人私隱啦，有無問題呀？將人地D相放落私家簿上公開，知會人地係人情兼道理。 仲有一單料，「炒21」一個前菲傭同佢D同鄉姐妹講，佢前老細婆恨仔，點知又係生女，自己已經高齡，驚再博多一個又係女時會比人笑，加上佢本身得閒得滯又唔想郁，精神無所寄託，挑剔成為佢每日之重點「工作」，其夫係首個受害人。如果佢第二胎係生仔，咁就會改寫好多人之歷史，包括廿一個菲傭之履歷表。 二五姐（本欄歡迎網友投稿， 請將稿件電郵至 info@louiebeauty.com ，一經採用，可獲綠葉坊送出之美容禮品。） |